影片
更多
2018-12-16
5476 瀏覽
如果肥妹水想食新加坡呢一啲東南亞菜，樂天經典好多時候都係肥妹仔嘅頭號選擇。手工蝦棗 $68呢一個手工蝦棗入面有鮮蝦，豬肉餡芋，頭等等，外表炸到非常香脆，上枱時候熱辣辣，店員會好窩心咁提醒你要趁熱食，如果凍咗就冇咁好食。喇沙海鮮米線 $78呢一個喇沙海鮮米線係肥妹仔每一次嚟都會食嘅米線，佢嘅湯底做得非常出色，有超香椰奶味同花生醬味，一啲都唔辣唔搶喉。 台佢嘅配料有好多，有鮮蝦，蟹柳，豆卜，米線亦都煮到剛剛好，軟硬適中，不過個湯底先係精粹，肥妹我就連湯底都飲唒。金牌脆皮燒雞 $168呢一個金牌脆皮燒雞又係必食嘅 菜式之一，燒雞外皮燒到非常香脆，雞肉肉汁好多，肉質嫩滑，佢仲會令上一碟袐製嘅醬汁，燒雞點上個醬汁，微辣，非常惹味。海鮮王炒飯 $144呢一個海鮮皇炒飯又係肥妹仔每次必食嘅炒飯，佢嘅炒飯除咗有鮮蝦，帶子配料之外，仲灑上一粒粒蟹子，鮮味十足。 炒飯嘅飯粒粒粒分明，唔會炒得太乾或者太濕，火喉拿捏得剛剛好，好好食。黑胡椒蟹 $368呢一隻蟹非常大隻，最重要嘅係佢嘅蟹膏份量超級多，每一口醬到會有蟹膏，攞嚟送飯一流。而佢嘅黑胡椒醬味道調得不錯，有好香嘅黑胡椒味，但又唔會太嗆鼻，蟹肉肉
如果肥妹水想食新加坡呢一啲東南亞菜，樂天經典好多時候都係肥妹仔嘅頭號選擇。
手工蝦棗 $68
呢一個手工蝦棗入面有鮮蝦，豬肉餡芋，頭等等，外表炸到非常香脆，上枱時候熱辣辣，店員會好窩心咁提醒你要趁熱食，如果凍咗就冇咁好食。
喇沙海鮮米線 $78
呢一個喇沙海鮮米線係肥妹仔每一次嚟都會食嘅米線，佢嘅湯底做得非常出色，有超香椰奶味同花生醬味，一啲都唔辣唔搶喉。 台佢嘅配料有好多，有鮮蝦，蟹柳，豆卜，米線亦都煮到剛剛好，軟硬適中，不過個湯底先係精粹，肥妹我就連湯底都飲唒。
金牌脆皮燒雞 $168
呢一個金牌脆皮燒雞又係必食嘅 菜式之一，燒雞外皮燒到非常香脆，雞肉肉汁好多，肉質嫩滑，佢仲會令上一碟袐製嘅醬汁，燒雞點上個醬汁，微辣，非常惹味。
海鮮王炒飯 $144
呢一個海鮮皇炒飯又係肥妹仔每次必食嘅炒飯，佢嘅炒飯除咗有鮮蝦，帶子配料之外，仲灑上一粒粒蟹子，鮮味十足。 炒飯嘅飯粒粒粒分明，唔會炒得太乾或者太濕，火喉拿捏得剛剛好，好好食。
黑胡椒蟹 $368
呢一隻蟹非常大隻，最重要嘅係佢嘅蟹膏份量超級多，每一口醬到會有蟹膏，攞嚟送飯一流。而佢嘅黑胡椒醬味道調得不錯，有好香嘅黑胡椒味，但又唔會太嗆鼻，蟹肉肉質鮮甜，爽口彈牙。
當歸花菇雲耳蒸鱸魚片 $162
呢一個鱸魚片又係好好食，佢哋肉質唔可以話好滑，但係好香魚味。而佢旁邊嘅花菇雲耳吸滿了蒸魚豉油嘅味道，又係攞嚟送飯一流。
青芥末蝦球 $207
肥妹仔我畀好多個讚呢一個蝦球， 去釣蝦球肉質非常結實，大隻，爽口彈牙。而醬汁用咗芥末醬，肥妹仔食落去微微嗆鼻。但係非常刺激。
南洋參空心菜 $75
食落去好似喺泰國食嗰隻炒通菜嘅味道，不過佢嘅將多咗一種鮮味，亦都食到有好多小蝦乾。
張貼
