影片
更多
2021-06-21
1240 瀏覽
今日黎食牛大人，特登早啲黎食，咁就唔洗怕要等好耐位。加上每次都食太飽，要好多時間消化先瞓得，所以今日5:00就嚟食，7:00食完，係啱啱好。今次我哋好想食個辣嘅湯底，但又覺得一定要有個清小小嘅湯底去煮菜食，所以就加$50要左鴛鴦鍋。我哋要咗個牛大人秘方麻辣鍋同埋台中蒜頭雞鍋。麻辣鍋有得揀要大、中、小辣，我哋揀咗小辣。平時好多時食麻辣嘅湯底，都會覺得個湯底好鹹好油好重味，但估唔到原來牛大人嘅麻辣鍋唔會好鹹，仲要冇乜油，就算用嚟煮菜食都OK。香味就足夠嘅，不過原來小辣真係唔係好辣，早知揀中辣或者大辣。台中蒜頭雞鍋真係有隻雞喺入面，不過太多野食，我都冇乜點食雞。最初雞味幾重，食下食下啲蒜頭味越嚟越出，正，我好鍾意食蒜味。我哋喺叫咗極上和牛吃到飽套餐，因為係7:30前離座，所以價錢只係需要每人$248。每人有兩粒澳洲和牛牛丸，呢個牛丸真係好正。食落爆汁，牛味超濃，如果有多幾粒食就好啦。我地主要都係食 和牛M5牛肩卷、安格斯牛小排同埋安格斯一口牛肉粒。呢幾款都係牛味好濃，食落油香十足嘅。仲有叫咗一啲餃子、干貝鮮魚漿同埋牛筋等等，當然唔少得嘅就係出去夾啲菜同丸食啦。任食嘅丸類入面我就最鍾意芋頭貢丸
今次我哋好想食個辣嘅湯底，但又覺得一定要有個清小小嘅湯底去煮菜食，所以就加$50要左鴛鴦鍋。
我哋要咗個牛大人秘方麻辣鍋同埋台中蒜頭雞鍋。
麻辣鍋有得揀要大、中、小辣，我哋揀咗小辣。平時好多時食麻辣嘅湯底，都會覺得個湯底好鹹好油好重味，但估唔到原來牛大人嘅麻辣鍋唔會好鹹，仲要冇乜油，就算用嚟煮菜食都OK。香味就足夠嘅，不過原來小辣真係唔係好辣，早知揀中辣或者大辣。
台中蒜頭雞鍋真係有隻雞喺入面，不過太多野食，我都冇乜點食雞。最初雞味幾重，食下食下啲蒜頭味越嚟越出，正，我好鍾意食蒜味。
我哋喺叫咗極上和牛吃到飽套餐，因為係7:30前離座，所以價錢只係需要每人$248。
每人有兩粒澳洲和牛牛丸，呢個牛丸真係好正。食落爆汁，牛味超濃，如果有多幾粒食就好啦。
我地主要都係食 和牛M5牛肩卷、安格斯牛小排同埋安格斯一口牛肉粒。呢幾款都係牛味好濃，食落油香十足嘅。
仲有叫咗一啲餃子、干貝鮮魚漿同埋牛筋等等，當然唔少得嘅就係出去夾啲菜同丸食啦。任食嘅丸類入面我就最鍾意芋頭貢丸，正，啱晒我哋兩位芋頭控。
朋友鍾意飲酒，叫咗杯落水流花手工啤，佢話飲落有啲花香，好好飲。
至於我就一如既往地鍾意飲冷泡茶嘅。
食到飽一飽之後，最後有返杯Movenpick雪糕，開心。
張貼
