一風堂 (朗豪坊) (已結業)

今日落班就過去朗壕坊買野，去到都七點幾喇，咁就淋住食完再去揀，朗壕坊呢邊有好多食店可以揀，于是就睇下邊間人多就去邊間，通常我覺得人多嘅地方我就覺得肯定系好食先多人排隊，行到一風堂風到有幾多人排隊，原來嚟系食麵嘅，咁就排左二十分鐘左右。既然系麵食作為招牌菜，肯定要點返個麵喇，我要左個黑麵，黑麵其實就系黑咖哩麵，豬油鋪面，有三片薄薄嘅半肥瘦豬肉，仲有半個溏心蛋，黑咖哩都幾香，湯底唔錯，麵都做得幾好，系手工麵，比較有韌道，幾彈牙，不過價錢唔平，下次可以試下其他味道嘅麵。炸雞變，味道幾好，唔系外邊裹住厚厚一層粉果種，炸得好酥脆，肉好嫩，味道夠，腌得時間夠長，好入味，幾好食。牛油果鮮蝦沙拉，蝦好新鮮，好清甜，分量唔大，不過感覺好清新，出品都算OK。