一風堂 (朗豪坊) (已結業)

是日小妹約了朋友一共四人到朗豪坊食野，早早已經諗好係去食一風堂，事關之前曾經係其他分店食過認為味道不錯而且創新，但萬萬沒有想到這次旺角分店的經歷讓我對這店如此卻步。我地需要等位，我地攞既係頭一張飛，我地四人都好餓，所以早就諗好食咩！但最令人失望而回既並唔係要等候既時間太耐，而係等待良久，帶位男職員竟然先後叫了4張係我地之後既號碼既2人檯，起初叫頭兩張2人飛既時候，仍然認為可能是位置不合4人坐，但再等之下男職員再帶左一共3張2人飛入座，其中一張係補飛，其後2張都係我地號碼之後既飛，咁咩情況會出現呢個現像，唔通4位係唔應該食晚餐？定係男職員唔鍾意我地？又嬲又失望！！