相馬日式火鍋 觀塘 (已結業)

不得了不得了！今日一定要同大家分享吓我食咗一餐豐富嘅晚餐🥣。今日同屋企人一齊出嚟食晚飯為咗迎合大家鍾意食嘅嘢我今日就揀咗食火鍋放題😌大家可以自己揀自己鍾意食嘅嘢，又可以揀自己鍾意嘅湯底。我同我男朋友都揀咗清湯，我哋兩個都唔係太鍾意食一啲龍尾嘅湯底，感覺上如果太龍尾嘅話會溝淡咗肉或者其他食物嘅味道😆尤其是今日係食美國特選牛肩胛，佢哋呢度嘅牛肉設成薄片，好容易就可以淥熟！最緊要係佢個牛肉味好香好濃㗎 ！好適合我哋食清湯嘅時候更加容易食到嗰陣肉香味😚除此之外呢度仲有自取枱，大家可以揀自己啱心水嘅火鍋配料，我細佬同阿妹仲拎咗好多肉丸返嚟大家一齊食添👅