韓宮 (已結業)

今日夜晚突然同老婆好想去紅磡食餐晚飯，所以我地就決定去紅磡兜個圈，跟住見到咁多間食店之中以韓宮店內比較多食客，跟住同老婆就決定試下呢間韓國菜，諗住客多應該無死錯人，我地坐低之後就叫咗3個菜，混合炸雞$198，醬油蟹一隻$178，牛肉炒粉絲$98，連加一埋單多謝老闆$522其實價錢係平係貴見仁見智，不過食物質素就真係俾到我好大驚喜！！！先講炸雞，開頭我地係叫無骨既，跟住個侍應推薦我地食有骨既雞，佢話好食啲喎，又即管信下佢啦，點知啲雞黎到唔單止又乾又無汁，落粉又勁厚，炸完仲硬過石頭，舊舊雞都係骨多過肉，食到我牙肉都腫埋！可能係有骨既雞件賣唔出就想搵我地幫忙頂咁啲啩，真係從來都未食過咁難食既炸雞！真係失望到極點！！點解仲會有咁多打手不斷讚佢好食？！！跟住到牛肉炒粉絲，啲牛切到仲幼過啲粉絲，數埋大約得10條牛肉絲左右，就當係韓宮特色算喇，最離譜係啲牛肉絲食落又乾又硬，仲衰過啲隔夜餸！一食就知係用啲劣質既平價牛肉炒出黎既！又有可能係隔夜賣唔唒既牛肉翻炒所導致，再次嬲到爆炸！！最後到醬油蟹，不過不失，算係3個菜之中唯一食完味道唔會令人扯火既菜式，不過隻蟹都係較細，無乜肉食！！總結：平時我去其他食店