城中小閣 (已結業)

新餐馆，装修几清雅。吃得出食材好用心挑选。餐前小菜點了拍青瓜和椒鹽豆腐粒。青瓜的涼拌汁有清新口感，唔係一般的简单蒜加醋。豆腐粒沒用鹹蛋黃裹住，只用好斯文的椒鹽調味，豆腐顯得更加嫩口。主菜裡面的清湯牛腩非常推薦，牛腩是筋肉互扣果種，筋部炆得好嫩又不失彈性，把湯頭和蘿蔔精華帶入牛肉里。同时吸晒牛湯香味的蘿蔔霖甜爽口，真係絕配！冰烧三层肉唔同于传统烧肉，肉质更加结实弹口，关键是芥末酸酱，能衬托到肉香又中和番肥肉的油腻。店长好热情而且唔系hard sell 贵菜果种。他见到我们好比心机拣菜，就介绍我们吃一道新出品：特制酱烧乳鸭。鸭仔又嫩又多汁，鸭腔内的腌料渗晒入肉甚至鸭骨都食得，好满足！他又建议我们点左个腐竹浸西洋菜，上汤清淡得嚟不失香味。建议留肚食甜品，好似每日甜品都有唔同。是日杨枝金露和红豆沙卖相平凡，但是味道都好有惊喜。杨枝甘露的芒果味够晒甜蜜；红豆沙中的豆、陈皮和黄糖香味清晰，而且互相搭配得啱啱好。我们五个人系午餐点左五菜一汤加荷叶饭加甜品，份量刚好，够晒饱又唔会滞。以后在佐敦又多个饭堂选择了！