紐約客 (已結業)

同朋友去開荃灣,諗住搵間坐得舒服D嘅餐廳食下嘢同傾下計,上Openrice睇下,見到呢間有Burger食,雖然評語一般,不過我都不嬲唔太在意別人的意見,因為每個人都對食物標準唔一樣,有時食評好好,其實好差,我會親自試過才下結論!去到見裝修好特別,我幾鍾意,香港好少有呢種style,通常都好simple用木多,呢間色彩繽紛但感覺又唔會唔舒服,坐低店員遞上Menu,仲介紹下佢地既黑炭Buger,於是叫咗試下,啱啱適逢Halloween,佢地佈置咗好多裝飾,好得意!食物大約幾分鐘送上,難得令我感到比想像中好味,薯角好味、個包好鬆軟(雖然黑色😂),牛肉唔會乾(未稱得上好多肉汁),但呢個價錢算非常合理,咖啡到時,還有龍貓拉花,店員仲同我吹下水,問我拉得似唔似?有冇睇過呢套電影等,我地坐咗差唔多兩個鐘頭就走總括嚟講我一定會再去,我覺佢地好有人情味,有時食嘢,店員服務態度都好有影響,而且價錢唔太貴,因為經濟唔好自己都唔會揀好貴嘅餐廳(當然貴既餐廳食物質素好好),但以人頭百幾一餐,真係唔錯嘅選擇,比快餐貴小小,但可以食到好既食物!