圓苑 (裝修中)

當晚我哋四個人去咗圓苑，叫咗一碟叉燒、芝麻雞、炸蠔、濃雞湯海皇泡飯及菜。叉燒確實好食，唔會好乾身，又濕濕地、又軟身。芝麻雞味道也不錯，食得出有雞味。當晚我最鍾意炸蠔同濃雞湯海皇泡飯，炸蠔好入味，啲蠔亦好大隻，好有口感。濃雞湯海皇泡飯比我想像中好，之前成日覺得啲泡飯冇乜味道，淡淡地。但依一鍋濃雞湯海皇泡飯味道又OK喎，果然真係濃雞湯。今晚我哋去食飯嘅時候，都算多人，好彩我哋之前book定位。枱與枱之間唔算太窄，我同朋友都覺得啲空間感不錯。嗰日我哋四人，佢俾咗張大枱我哋，感覺好闊落。