影片
更多
2017-08-09
224 瀏覽
上網團購了川婆婆的優惠卷，趁到期前一行3人來到這裡吃宵夜邊爐10:30準時入座，被安排坐在近醬料吧的位置。因為知道會有很多人走近，友人已盡量坐入一點希望可以讓其他人順利走動。大概坐了幾分鐘，一位穿著橙色制服的女職員員對友人說 : 哩度咁多人行就咪坐係度喇！阻住人行！（帶嫌棄眼神）即係咁，雖然我地有3個人被安排坐4人枱，但位就係你啲同事set嘅，我地照你地公司安排坐，其他客人行去醬料吧都暢通無阻，如果你地認為嗰個位會阻住人行咁點解要咁樣set位？咁點解一開始就擺個醬料吧係一個會阻住你地自己工作嘅位？然後再怪責客人呢？再等多一陣，爐送到。咦？說好的九宮格呢？買coupon嘅時候明明話係九宮格先買架喎🤔召來一位同樣身穿橙色制服的男職員問，男職員説 : 你地哩啲團購係無九宮格架！橫掂個煲都一樣架喇！ 說完就調頭走了。我們再召來另一位穿便服的男職員詢問，並表示如果買嘅時候話係九宮格黎到無嘅話即係違反商品說明條例。男職員隨即表示會為我們加回。（大概15分鐘後才拿來，我們本已放棄等待開始食）然後加九宮格的定義是，將幾塊由鐵板構成的井字加進原本的爐上，which我地已經放落爐嘅食物全部卡住哂🙄再過一會
10:30準時入座，被安排坐在近醬料吧的位置。因為知道會有很多人走近，友人已盡量坐入一點希望可以讓其他人順利走動。大概坐了幾分鐘，一位穿著橙色制服的女職員員對友人說 : 哩度咁多人行就咪坐係度喇！阻住人行！（帶嫌棄眼神）
即係咁，雖然我地有3個人被安排坐4人枱，但位就係你啲同事set嘅，我地照你地公司安排坐，其他客人行去醬料吧都暢通無阻，如果你地認為嗰個位會阻住人行咁點解要咁樣set位？咁點解一開始就擺個醬料吧係一個會阻住你地自己工作嘅位？然後再怪責客人呢？
再等多一陣，爐送到。咦？說好的九宮格呢？買coupon嘅時候明明話係九宮格先買架喎🤔召來一位同樣身穿橙色制服的男職員問，男職員説 : 你地哩啲團購係無九宮格架！橫掂個煲都一樣架喇！ 說完就調頭走了。
我們再召來另一位穿便服的男職員詢問，並表示如果買嘅時候話係九宮格黎到無嘅話即係違反商品說明條例。男職員隨即表示會為我們加回。（大概15分鐘後才拿來，我們本已放棄等待開始食）然後加九宮格的定義是，將幾塊由鐵板構成的井字加進原本的爐上，which我地已經放落爐嘅食物全部卡住哂🙄
再過一會，我們想加單，於是向一名穿著綠色制服的男職員表示我地想拿回我們的單，該名男職員表示 : 我唔知你地張單係邊喎！佢問左其他著橙色衫嘅職員，但都無人知。
WHAT???😡😡😡其實你地咁大間餐廳有無邊個職員係知道自己做緊乜？最後佢地拎左張新單俾我地，但係隔一陣原本張單就出現返係我地張枱度。
加單之後等左好耐都無食物黎，亦唔見其他枱有食物上，全間餐廳入面嘅人已經開始唔耐煩。明明火鍋配料不用烹煮，只不過將材料按分量出點解拿用咁多時間呢？原來廚房內的電腦單用哂，所以廚房係大概20分鐘期間都係無收到過任何單😰😰發現問題後都仍然等多左好一大會兒先有野食，其實嗰時已經受氣受飽唔係好想再食落去，但唔想浪費食物唯有快快食完快快走。
食嘅期間都繼續聽到穿著橙色制服職員不斷向其他枱客人辣著火頭。例如明明係餐廳唔滿座嘅時候向其他客人表示餐廳唔夠煲用，要客人多等一會兒才會為客人送上湯底。另外當其他枱容人追單時與客人爭論為何不可以多等一會。根據整晚觀察，這間餐廳穿著綠色制服的員工基本上都唔知自己做緊乜，問乜都唔知。橙色制服員工都屬於辣著火頭類型，啲客都未開火佢地會自行開戰。至於身穿便服的算比較好，但都好似唔太知道自己做緊乜咁。
講完服務，講下食物。麻辣火鍋，因為等待時間好長好長，加完水好快又被蒸發，食到最後覺得自己似食清湯火鍋。海帶絲有鯹味，然後污染到其他一齊煮嘅食物都有鯹味，勁難食。菜單上有一選項為長崎蛋糕，貪得意叫左一份試下，係一個大伏！口感似魚蛋，食落就係怪到無朋友，有勇氣嘅朋友可以試下😩響鈴係冧嘅，其他食物無乜特別，只有黑豚肉較為出色。
第一次去一間餐廳會令全場燥底，前後左右都聽到以後不再幫趁的聲音。亦都係第一次遇到一間餐廳差到我令我想開個acc黎寫食評。
張貼