夢旅人 Cafe (已結業)

星期日的下午, 同屋企人去天后尋找美食。行過左清風街天橋就見到呢間CAFE 的宣傳易拉架, 咁就行去試下啦. 呢間CAFE位置人流比較少, 所以會比較寧靜。Menu 上都係以輕食為主，價錢都相宜，飲品比起出面好多咖啡店都係平。Lunch hour 都會供應意粉～ 因為唔係好肚餓，所以都係人叫左一杯飲品同一件蛋糕share～ 相信每個人心目中的咖啡口味都不一樣，而呢間 cafe 的咖啡對我而言是有點淡，但蛋糕是不錯的。店主十分友善，主動上前詢問食物的品質，當我提及咖啡濃度的問題，佢話下次可以同佢講係想飲濃d ，佢會作出調整。另外，睇得出店主落左好多心機喺裝修上面，環境好cosy，十分乾淨整齊，座位都好好坐，適合同朋友傾下計，飲杯咖啡同食少少野。餐廳的兩旁有兩排高枱，仲有socket (with USB socket) 供應，如果想睇下書，溫習同做coursework 應該都係一個不錯的選擇。