博多拉麵別天神 (已結業)

佢係要用機嗌嘢食同俾錢，去之前記得入定八達通。得兩款拉麵：豚肉味僧同蝦味僧。我嗌咗蝦味僧拉麵配餃子嚟試。成個拉麵都好普通，湯底夠味但冇特別，溫泉蛋熟咗少少，拉麵係幼身拉麵，叉燒不過不失。我覺得可以俾客人揀返拉麵軟硬度嗰啲，因為用機嗌所以想走蒽都走唔到，同咗師傅講點知佢唔記得(碗拉麵都幾多蒽，唔食嘅記得同師傅講)。同埋個人覺得拉麵偏淋，可以硬返少少。至於餃子，我覺得真係麻麻，唔係特別多汁，同埋唔太夠熱。個人認為路過可以試吓，同路人可以撐吓，畢竟成間鋪都俾文宣裝飾得好靚。