GEO Café (已結業)

星期五晚同兩個老友到長沙灣食飯，行到去大中華嗰條街(福榮街)，見到呢間新開張的café入去試下，點左三份 Dinner Set 三個人share不同種類 (牛、豬、雞)。先黎個好似用黑膠唱片載住的忌廉磨茹湯，味道正常！然後Starter沙律，放了點蜜糖甜甜地唔錯喎… 跟住就係主食: 蘋果芥末醬豬胺、紅酒汁封門柳、烤春雞，三樣菜式都沒有令我地失望，睇得出廚師用心製作，雖然見呢位後生仔集廚師、甜品、咖啡師於一身，但全部都好有水準，我本身好鍾意食雞，但烤春雞真係好蝦人的，幾難唔乾，但呢度整得好juicy, 保留到肉汁好好味，而封門柳(牛)肉地都好嫩好淋，最後個豬胺同樣唔鞋加埋個汁既配搭好好味！最後個甜品就唔讚唔得喇…芝士蛋榚整到流心咁，又唔太甜唔太流，好正！  仲有個Brownie好味！ 靚仔廚師原來咖啡仲掂，竟然親自出黎介紹俾我地 “黑靈魂” coffee 同埋教我地點樣品嚐係最好， 我兩個朋友對咖啡有研究，都對佢地既Alam Negra讚口不絕，仲叫左杯拉花試下，係 “河馬” 呀，好靚！Cafe在長沙灣福榮街不太起眼的位置，但原來咁有水準，值得推介！