鐵魚川式食堂 (已結業)

無論咩天氣都想打邊爐，所以同朋友黎左鐵魚川式食堂食煲，順便打埋邊爐。一鍋兩味！睇左餐牌一陣，太多野揀，吾知叫咩好，好彩侍應行黎同我地介紹，服務一流！餐牌有3個set，我同朋友比較細食，所以叫左銅魚set。再者朋友比較鐘意食雞，所以就揀左香辣土雞鍋，小辣。落左order冇耐，就有前菜食，分別係魚情味豆牙、跳水木耳、嫩七八草同手撕包菜。四款前菜都好開胃，其中我最鐘意係手撕包菜，川辣味，正！鐘意食辣既人一定會愛上！之後重叫左紅桑梅蜂蜜茶同菊花薑蜂蜜茶，前者酸酸甜甜好開胃，後者就暖胃，飲完好舒服。同朋友傾左十分鐘計，雞煲就黎啦！見到個份量嚇一嚇，兩個女仔點食得哂呀？下次真係要帶個男仔黎，哈哈！我地今次叫左小辣，辣味適中，但鐘意食辣既人，可以挑戰一下中辣，甚至大辣。啲雞食落幾入味，而且幾嫩，重有雲耳，好豐富。果然不出所料，我地係食吾哂，所以侍應就幫我地將雞盛上碟，然後加湯打邊爐，好貼心。配料方面，我地叫左手切安格斯牛同四款肉類，有沙律蟹子丸、芝士雙響、牛根丸同麻辣鱈魚湯丸。芝士雙響非常特別，入面有濃濃既芝士，好味道，而牛根丸亦好重牛味。海鮮方面，我地叫左聖子皇，非常鮮甜，好適合打邊爐，海蝦亦好彈