一起果醬 (已結業)

自家果醬入饌，要整得好味唔容易。唔想唸就選擇套餐，咁就有餐湯、沙律同甜品。🥣雜菜湯料足，啖啖都有雜菜粒同豆🥗田園沙律配熱情果油醋汁一啲都唔求其。有生果同雜菜，配埋醋汁，酸酸微微，好開胃🐖慢煮極黑毛豬扒配肉桂蘋果汁本人極度喜愛肉桂嘅😁一見呢個就唔使唸第二樣。慢煮，一啲都唔鞋口，本身嘅肉汁已經好好味，加埋肉桂蘋果醬汁，錦上添花，仲更好味呀！🐏 慢煮法色羊架配芒果芥末汁呢個真心係一般。唔知點解，有啲膩/滯😓佢肉質唔錯，西式煮又唔會有太大羊羶味。🍰 芝士蛋糕份量啱啱好，加埋士多啤梨醬，更加好味。☕️ 特色果醬紅茶-丁香香橙呢兩款食材夾埋做果醬好特別，而且比列調較得好好，唔會其中一款搶哂啲味。唔加落茶，就咁果醬都好特別。