吃吧 (僑建大廈) (已結業)

聽朋友講呢度有好多唔同既啤酒飲..所以今日放工就黎Happy Hour兼食埋晚餐..一入到黎餐廳..周圍放晒啤酒裝飾..好特別..環境唔錯..好岩三五知己傾下計..我地叫左個焗芝士薯條同海鮮拼盤做前菜..薯條熱辣辣..海鮮拼盤岩岩炸起..好香脆..伴酒一流..主菜有西班牙龍蝦海鮮意大利飯..原隻細龍蝦上..好真材實料..飯粒粒分明..好香..另外一個煙火腿 菠菜 蟹子 寬條麵..原來菠菜煮西餐都好夾..加埋爽口既蟹子..寬條麵又唔係好寬..岩岩好..最後當然唔少得呢度既啤酒啦..我叫左支Lindemans Pecheresse..第一次飲..好香桃味..唔會好苦.甘甘地好好飲..呢度9點半..手工啤酒買一送一..得閒放工可以黎啤一啤