越旺美食 (已搬遷) 新店位置

大角咀不嬲多美食，呢間越南菜食過幾次，仍然保持水準。蒜蓉炒通菜 - 甜甜地，炒完都唔黑，好夠味。食越南野點可以唔叫pho？！牛肉夠生，又重牛味。失策唔記得叫金邊粉，好彩河粉都好食。個湯好清甜，不錯。蒸粉卷 - 個人麻麻地鍾意食，太多香菜同其他配料。怪味雞 - 好特別，甜甜酸酸，好開胃。比起口水雞，呢個好食好多，起碼味道有層次！個汁有好多蔥粒同蒜粒，好足料。咖哩牛腩又係必點，牛腩唔痴牙，好食！點埋薄餅仲正！又有生菜、洋蔥、青椒同薯仔，抵食！小食拼盤 - 包羅萬有，春卷點完醋再包生菜食好清新，有助解膩。