宜家家居餐廳及咖啡室

營業中

休息中

雖然宜家傢俬嘅肉丸好出名，但係我其實比較少食。反而就比較鍾意食佢啲西餐，就好似今次嘅魚柳。雖然魚柳今次有少少失準，可以再煎耐啲香啲，但係整體來講都幾好食。而就算係魚柳餐，亦都唔怕唔夠飽，因為仲有雜菜同埋薯蓉做配菜。如果覺得口痕，仲可以食埋佢哋嘅薯格，都做得非常香口。最值得欣賞嘅係，佢哋嘅果汁無限添飲，果汁嘅味道好新鮮，亦有唔同嘅風味。雖然感覺有啲似food court，亦都要自行清理，但係環境整體來講幾舒服，亦都唔會覺得好逼夾。