名捌月 (已結業)

荃灣呢間名捌月餐廳，地點相當方便，由荃灣地鐵站行過去，只需5分鐘，餐廳寬敞，食物選擇不少，有多種小食，主菜及飲品可供選擇。 我地點左兩款主菜，一個扒，一個意粉。 先飲野菌湯，入口好滑，餐湯值得一讚個湯夠熱，味道岩岩好，仲食到少許野菌粒粒，將脆多士沾一些野菌湯同吃別有一番風味。 松葉蟹肉蟹膏意粉，賣相吸引，一送上枱就聞到好香，意粉加入蟹肉蟹膏，好鮮甜，醬汁味道濃厚帶金黃色，意粉掛滿醬汁，加埋一絲絲蟹肉同蟹子脆卜卜，鮮味無比，如果喜歡食蟹的朋友必食。 另一個主菜M6和牛西冷，西冷扒好厚身，扒有肉汁保留起入面，食落唔乾身，肉味不錯，油脂位部分食落好香，配菜有粗身即炸薯條，令人相當滿足。