Two Ediots

營業中

休息中

喺灣仔嘅鬧市入面，見到一個好搶眼嘅藍色窗口位，就忍唔住跟住行入去睇吓有咩食。原來佢係主要食漢堡包，而且款式重要好多添。見到佢新推出咗一個墨西哥辣椒漢堡都好想試吓，漢堡包超大個，好吸引呀。咁佢每一個餐都可以加錢配套餐，可以加一款小食同埋飲品。⚜️雙重芝士牛肉漢堡中間嘅牛肉超級厚，咬落去好Juicy,啲肉汁流晒出嚟，加埋佢雙重芝士，口感一流。呢個餐我加咗薯條，薯條都係粗嘅薯條，脆卜卜，好香口。⚜️墨西哥辣椒漢堡因為我本身唔係可以食超級辣，所以我都叫佢辣椒係另上，等我自己可以慢慢加入去，不過佢嘅辣椒其實唔係好辣，反而令到牛肉嘅味道更豐富。除此之外佢仲夾住煙肉芝士，食落好惹味。呢個餐就配左芝士條，咬落去芝士拉絲，建議襯熱就食啦。⚜️咖啡⚜️士多啤梨奶昔奶昔唔會太甜，係我鍾意嘅味道，好香奶味。