Line Up Hotdog (已結業)

當想買手作野既時候，第一時間就會諗起去D2 Place。今日食完午餐就去D2 place行下，去到五點幾另一半話有d肚餓，我地就望下附近有咩小食，發現喺遊戲機場🎮入面有間熱狗店。望完價錢都唔算平，勝在店員服務好，見到我地諗咗好耐都唔知食咩好嘅時候推介「南洋肉醬芝士熱狗🌭️」🤩咁我地就決定試下同加杯沙冰。熱狗嘅味道整體上幾好食，肉醬同芝士好夾，不過可以嘅話希望個包可以大啲，等啲醬唔會跌晒出嚟。而杯沙冰就不過不失，叫做解下渴。整體都可以一試，不過做正餐就未必係最好。