Express Bar By Lassana (中信大廈) (已結業)

下晝揀左Lassana cafe同一班同事下午茶。飲左杯泡沫咖啡味道幾香濃，一個三文魚牛角酥真材實料、一件伯爵茶蛋糕，同事買左沙律，份量都多，口感亦新鮮。伯爵蛋糕值得一試，甜度適中CP值高，最後仲買一個蛋糕拎返屋企，繼續享受。個位都算方便，由金鐘地鐵E2出口接天橋，一入去就見到Lassana,因我哋入果陣已經3:15，店舖近收工時間，所剩的食物選項唔多，幾款想食既飽、蛋糕都賣晒，聽同事介紹榴槤芝士蛋糕出名好食，可惜一早賣晒，唯有下星期再早d過去。