影片
更多
2022-05-12
3000 瀏覽
今日同朋友再次黎到哩間燒肉餐廳。餐廳環境寬敞，最入面仲有一排位置可以望到海景同日落🌄景觀真心正。最鍾意哩啲韓國餐廳既前菜🥗哩到既前菜有沙律、泡菜、芽菜、醃蘿蔔同四季豆，除左沙律之外都可以再添，另外仲會提供同樣可以無限添加既芝士粟米同埋泡菜爐邊蛋，芝士粟米超好味，我添左起碼四次🤤🔸豪快黑毛和牛外羣肉 $285🔸食堂黑毛豬五花肉(醬油/鹽燒) $118🔸大蔥切牛舌 (醬油/鹽燒) $118🔸大八爪魚 $108豪快黑毛和牛外羣肉醬汁香甜，油脂豐富，入口輕咬幾下油脂已經滿佈口腔，但又唔會膩，好食推介👍🏻食堂黑毛豬五花肉肥瘦相間，醬汁微甜，好岩配埋生菜一齊食；大蔥切牛舌入口爽嫩，醬汁甜甜地，唔需要點醬都已經好好食；八爪魚大大隻，質感鮮嫩彈牙，醬汁甜甜辣辣咁。肉類旁邊仲放左菇同蘋果，可以用嚟解膩。🥔薯仔排骨湯 $98薯仔排骨湯味道濃郁，酸酸辣辣，入面仲有兩大舊排骨。🍗甜辣炸雞半份 $58甜辣炸雞非常抵食，外皮炸得酥脆，內裏肉質嫩滑多汁，淋上甜辣醬真係好正，底下仲有唔少薯條。🍹梅子青檸梳打 $32 （若套餐加$8）🍹荔枝梳打 $32（若套餐加$8）兩款梳打味道清新，能夠解膩。整體黎講，餐廳環境相當好
最鍾意哩啲韓國餐廳既前菜🥗哩到既前菜有沙律、泡菜、芽菜、醃蘿蔔同四季豆，除左沙律之外都可以再添，另外仲會提供同樣可以無限添加既芝士粟米同埋泡菜爐邊蛋，芝士粟米超好味，我添左起碼四次🤤
🔸豪快黑毛和牛外羣肉 $285
🔸食堂黑毛豬五花肉(醬油/鹽燒) $118
🔸大蔥切牛舌 (醬油/鹽燒) $118
🔸大八爪魚 $108
豪快黑毛和牛外羣肉醬汁香甜，油脂豐富，入口輕咬幾下油脂已經滿佈口腔，但又唔會膩，好食推介👍🏻食堂黑毛豬五花肉肥瘦相間，醬汁微甜，好岩配埋生菜一齊食；大蔥切牛舌入口爽嫩，醬汁甜甜地，唔需要點醬都已經好好食；八爪魚大大隻，質感鮮嫩彈牙，醬汁甜甜辣辣咁。肉類旁邊仲放左菇同蘋果，可以用嚟解膩。
🥔薯仔排骨湯 $98
薯仔排骨湯味道濃郁，酸酸辣辣，入面仲有兩大舊排骨。
🍗甜辣炸雞半份 $58
甜辣炸雞非常抵食，外皮炸得酥脆，內裏肉質嫩滑多汁，淋上甜辣醬真係好正，底下仲有唔少薯條。
🍹梅子青檸梳打 $32 （若套餐加$8）
🍹荔枝梳打 $32（若套餐加$8）
兩款梳打味道清新，能夠解膩。
整體黎講，餐廳環境相當好，可以望住海景燒肉，而且食材質素亦相當高，鍾意食燒肉既值得一試。
張貼
