影片
更多
2021-06-16
1918 瀏覽
先唔講野食既質素，呢間法國餐廳既服務質素真係令到我地滴汗😰😰 唔係話佢態度唔好，但係頻頻岀錯令我地真係好無奈😮💨 如果以千幾蚊埋單黎講，真係唔成正比😰一開始我地落order個陣想試唔同既main🍝朋友想試海膽扁意粉，而我一如既往想點翻牛扒試，店員一開始聽錯咗幾次以為我地要一樣既main都唔緊要，我地最後都再double confirm翻我地要既主菜係一個海膽扁意粉，一份法國鵝肝牛柳但最後上枱既竟然係一份豬扒同一份牛柳😨 當時我地即刻反映反: 唔好意思，上錯咗野食，我地嗌既係扁意粉。 但店員睇翻張單，堅持我地落既係豬扒 (但其實follow得耐既朋友仔都知，除咗炸豬扒，其他既豬肉類我基本上都唔會叫😰 因為我好驚豬肉陣臭豬味😥 連我媽煮既豬扒都好小食) 而佢完全係無想換翻比我地既意思，再強調我地係落豬扒😥係到等我地示意。 但其實我同朋友係一齊firm落單加我唔鍾意食豬，真係冇可能落錯🥲 而我都知我地入座時間比較夜，如果唔要都可能會浪費咗件食物。最後就算數啦，照硬食😵💫 但feel到當時個friend頹咗，比呢個價錢但結果無得食想食既野，同佢覺得有種被屈硬食既感覺☹️食完餐飯想要兩杯水就埋
先唔講野食既質素，呢間法國餐廳既服務質素真係令到我地滴汗😰😰 唔係話佢態度唔好，但係頻頻岀錯令我地真係好無奈😮💨 如果以千幾蚊埋單黎講，真係唔成正比😰
一開始我地落order個陣想試唔同既main🍝
朋友想試海膽扁意粉，而我一如既往想點翻牛扒試，店員一開始聽錯咗幾次以為我地要一樣既main都唔緊要，我地最後都再double confirm翻我地要既主菜係一個海膽扁意粉，一份法國鵝肝牛柳
但最後上枱既竟然係一份豬扒同一份牛柳😨 當時我地即刻反映反: 唔好意思，上錯咗野食，我地嗌既係扁意粉。
但店員睇翻張單，堅持我地落既係豬扒 (但其實follow得耐既朋友仔都知，除咗炸豬扒，其他既豬肉類我基本上都唔會叫😰 因為我好驚豬肉陣臭豬味😥 連我媽煮既豬扒都好小食) 而佢完全係無想換翻比我地既意思，再強調我地係落豬扒😥係到等我地示意。
但其實我同朋友係一齊firm落單加我唔鍾意食豬，真係冇可能落錯🥲 而我都知我地入座時間比較夜，如果唔要都可能會浪費咗件食物。最後就算數啦，照硬食😵💫 但feel到當時個friend頹咗，比呢個價錢但結果無得食想食既野，同佢覺得有種被屈硬食既感覺☹️
食完餐飯想要兩杯水就埋單走人，之後唔知點解又聽錯，淨係比咗一杯水我地🥵 我地都廢事再麻煩人就直接比卡算了，佢話收Visa同master，我想用銀聯卡比錢就問多句: 咁銀聯卡收唔收👀
店員就話: 銀聯姐係visa？ visa收呀！
個下我真係唔知比咩反應好，朋友全程都係😰望住我
當時背景音樂其實唔大聲，但真係唔明白點解會頻頻岀錯😰 同以往真係完全無咁既經歷，真係完全無語🤦🏻♀️
環境方面💁🏻♀️ 佢個design係幾特別嘅，正門望去係磨砂玻璃，唔會睇到餐廳入面。但一開門就會變成玻璃可以睇到晒成間舖頭，入面裝修都幾fancy。
食物方面
頭盤我地就嗌咗一個鯛魚刺身 (圖3)，味道真係好raw🤣😂 唔似食三文魚既feel，真係好似跳落河捉條魚生食既feel😂 應該係檸檬汁咁夠多，帶唔岀好fresh既感覺
法式鵝肝凍 : 口感幾順滑，一入口有好香濃嘅鵝肝味，食完之後仲有餘韻。
波特酒釀提子🍇 提子爽甜，但略嫌酒味過重，會同鵝肝互相搶味。
餐湯係南瓜湯，幾香濃，覺得所有野食中最岀色係個湯🤣
而main個豬扒就唔多講，無乜特別加唔係我地想嗌既野食🥲
傳統法式鵝肝牛柳🥩
皆因我唔食鵝肝，呢個同個肝餓凍都係比我fd食，佢就覺得正正常常啦，無話好突岀。
而牛柳我地叫咗五成熟，岀到黎算係偏熟，無乜血紅色 (圖5) 口感唔算軟熟亦無話好香，不過不失
甜品我地都係叫咗各一
一個叫鮮果。蛋糕。雪糕，但岀到黎個賣相真心小伏😂
原來個蛋糕就係盤到個2粒三角形 (或者可能係我大鄉里岀城唔識法國野😂) 個馬卡龍幾好食既，蛋糕似雪芳蛋糕味😵💫
另一個叫美女與野獸既分子料理🤣 佢整到似煎蛋同腸
蛋白係greek yogurt， 個黃係芒果醬。但個greek yogurt 太快溶變到好水就好難食到。 而腸仔就用紅苺去整，味道偏甜。整體感覺唔算話好好食，但係就覺得幾得意既，視覺睇上去同食嘅味道係唔一樣。
另外叫咗兩杯酒🍸🍸 但個波波好快就爆，所以要影相就要盡快啦！
我哋叫咗一杯Puppy Love 橙味🍊Cocktail🍸
味道偏酸，幾fresh，但就完全飲唔到有酒味 (懷疑佢唔記得咗落🤣)
一杯荔枝味 Rose
呢杯味道偏甜同酒味偏濃，鍾意飲酒既應該會like呢杯多d
老實講，整體質素一般，價錢偏貴，地點上亦都較偏僻，正常市區來回都要3個鐘走唔甩，再加上甩甩漏漏既服務，自己判斷啦
張貼
