六両三.台灣食堂 (已結業)

由觀塘站行左幾分鐘，朋友帶我係堆工廠區左穿右插，就行到一幢裝修新淨嘅大廈。本來諗住人都唔多個，點知一上到去，勁旺場，我哋Walk in等候，大概四個字左右先順利入座。餐廳其實好大間，台與台之間距離都幾闊，感覺超級舒服。餐廳係劃紙點餐，十分方便。豬手都燜得幾腍幾入味，份量有三隻，我哋三個人食，唔使爭。呢個牛拼基本上樣樣都正，本身我勁鍾意食牛筋，佢個牛筋係勁嫩，牛腩肉味濃得黎又唔會太肥，牛𦟌個肉質就較實，全部都好好食！炸雞脾都係即叫即炸，不過面頭超多調味料，要抹勻啲先好食😂但佢係外炸內嫩嘅，好食！食台灣嘢，最開心就係食個滷肉汁，直頭係幫呢碟菜加哂分。食完個滷肉汁再食呢個會有啲失望，但其實都係好食嘅，拌麪同個汁都係好夾嘅，不過真係沒有比較就沒有傷害😂我決定下次要試滷肉拌麪😆