影片
更多
2022-06-03
2969 瀏覽
日本菜向來都係百食不厭😋美味之餘，裝潢同擺盤都好講究😌 雖然經歷過上一篇觸目驚心嘅體驗，但亦都無損食日本嘢嘅興致！今次晚飯就黎到位於旺角朗豪坊嘅「丸十寿司日本食堂」，決定要好好填飽一個「大和胃」😎「丸十」對壽司飯好有要求，用咗來自宮城縣一款叫「一見鍾情」嘅精米，有別於市面上嘅米，「精米」係指連米殼嘅米，運到店舖先至用特製嘅機器剝殼🍚更大程度保留住米嘅香甜同營養👍🏻《 丸十特上壽司盛合 》$368 4.5 / 5先上枱嘅係人氣之選《丸十特上壽司盛合》！琳琅滿目嘅壽司，有大拖羅、劍魚、金目鯛、海膽同吞拿面頰等等，用嘅都係新鮮食材😋咁多款壽司入面，值得點讚嘅除咗肥美又軟熟嘅大拖羅🤤仲有炙燒嘅吞拿魚面頰，香口得嚟又不失魚油嘅甘香🐟 錦上添花嘅係壽司醋飯嘅調配，微微嘅醋酸同挺身嘅飯粒都令到壽司更加美味🈵 《 丸十刺身中盛 》$368 4 / 5刺身環節，上碟除咗擺盤精緻之外，亦都睇得出用料有心機！刺身拼盤除咗常見嘅鰹魚、帶子、甜蝦之外，仲有時令嘅笛吹鯛🐟肉質偏爽口，味道微甘偏細膩👍🏻 只係價錢定價略高🤏《 雞之盛宴 》$128 3 / 5食完魚生又試下串燒🍢五款用雞皮同雞肉燒製嘅串燒🐔 雞皮脆
「丸十」對壽司飯好有要求，用咗來自宮城縣一款叫「一見鍾情」嘅精米，有別於市面上嘅米，「精米」係指連米殼嘅米，運到店舖先至用特製嘅機器剝殼🍚更大程度保留住米嘅香甜同營養👍🏻
《 丸十特上壽司盛合 》$368 4.5 / 5
先上枱嘅係人氣之選《丸十特上壽司盛合》！琳琅滿目嘅壽司，有大拖羅、劍魚、金目鯛、海膽同吞拿面頰等等，用嘅都係新鮮食材😋
咁多款壽司入面，值得點讚嘅除咗肥美又軟熟嘅大拖羅🤤仲有炙燒嘅吞拿魚面頰，香口得嚟又不失魚油嘅甘香🐟 錦上添花嘅係壽司醋飯嘅調配，微微嘅醋酸同挺身嘅飯粒都令到壽司更加美味🈵 
《 丸十刺身中盛 》$368 4 / 5
刺身環節，上碟除咗擺盤精緻之外，亦都睇得出用料有心機！刺身拼盤除咗常見嘅鰹魚、帶子、甜蝦之外，仲有時令嘅笛吹鯛🐟
肉質偏爽口，味道微甘偏細膩👍🏻 只係價錢定價略高🤏
《 雞之盛宴 》$128 3 / 5
食完魚生又試下串燒🍢五款用雞皮同雞肉燒製嘅串燒🐔 雞皮脆卜卜，蔥燒雞髀肉同手羽先反而肉質頗鞋口要扣少少分🤏 比較欣賞嘅係免治雞肉串👍🏻有軟骨粒係入面好爽口🤤
《炸軟殼蟹壽司漢堡》$98 5/5 🌟🌟🌟🌟🌟
估唔到「寶物沉歸底」❗成晚最出色嘅竟然係呢款和洋𝘔𝘪𝘹 壽司漢堡🍣🍔創意十足之餘，用料亦都豪不吝嗇！
酥炸軟殼蟹有手板咁大隻🤪 連埋芝士、蛋黃醬同沙律菜等配料放埋入口，滋味更勝漢堡包🤤👍🏻
總括嚟講，成餐飯都好滿意，由食物嘅用料，去到食材嘅處理流程，每個細節都用心認真👍🏻 只係原先價錢都唔平，好在今次有用到電子現金券😎
張貼
