影片
更多
2013-12-30
1514 瀏覽
行完街，搵飯食，友人話想食川菜，就係咁揀左呢間四姑娘喇！我地三個人嗌左四樣菜，先嚟係醉雞，呢個正常味無特別驚喜接住係辣子雞，呢個又辣又香，鐘意食川菜嘅朋友都實嗌本來想嗌水煮羊，不過老闆話豆酥魚係招牌菜，出面唔係咁多鋪頭有呢味，為左唔想嗌太多食唔晒，我地就放棄水煮，試下呢個誠意推介喇，果然有驚喜，未食前已經聞到好香，望落仲以為面頭果啲係炸蒜粒，食落先知係豆粒，原條魚，起晒骨，每一舊都啖啖肉，魚肉夠滑配埋啲豆酥，真係好香口！食到停唔到口，唔洗一陣，我地已經ko左條魚，值得推介之後係賽螃蟹，加醋食一流！最後仲嗌左個高力豆沙做甜品，唔記得影相，呢個我個人都好鐘意，味道啱啱好，唔會太甜，可以一試！川菜嚟講，四姑娘算出色，價錢都幾大眾化，下次搵多幾個朋友食試下其他餸先！
我地三個人嗌左四樣菜，先嚟係醉雞，呢個正常味無特別驚喜
接住係辣子雞，呢個又辣又香，鐘意食川菜嘅朋友都實嗌
本來想嗌水煮羊，不過老闆話豆酥魚係招牌菜，出面唔係咁多鋪頭有呢味，為左唔想嗌太多食唔晒，我地就放棄水煮，試下呢個誠意推介喇，果然有驚喜，未食前已經聞到好香，望落仲以為面頭果啲係炸蒜粒，食落先知係豆粒，原條魚，起晒骨，每一舊都啖啖肉，魚肉夠滑配埋啲豆酥，真係好香口！食到停唔到口，唔洗一陣，我地已經ko左條魚，值得推介
之後係賽螃蟹，加醋食一流！
最後仲嗌左個高力豆沙做甜品，唔記得影相，呢個我個人都好鐘意，味道啱啱好，唔會太甜，可以一試！
川菜嚟講，四姑娘算出色，價錢都幾大眾化，下次搵多幾個朋友食試下其他餸先！
張貼
