客家好棧 (已結業)

一蚊一隻雞, 不用茶芥不用加一, 而且無限叫幾多隻晚晚都人山人海, 平日排隊起碼要排個半鐘供應期至4月30日, 晚上六至九, 一過左時間就無此優惠. 見到d阿婆四時多已列陣排隊 二人枱比較輸蝕, 因大部份位都係四人枱 (四人圓桌及卡位), 即使有二人長方枱都拍埋做四人枱. 又唔做搭枱, 為求成本效益, 往往叫籌員都叫5/6位, 3/4位, 甚少叫2位結果拿著2 位籌人士分分鐘排左個半兩粒鐘過左九時都未輪到, 白等一場講返食物 --- 一蚊雞--$1薑葱霸皇雞, 無花無假真係足料--等左十五分鐘, 大大隻雞, 份量比宣傳圖片還要多--白切雞面頭灑上薑葱絲, 淋上熟油及豉油, 不會過鹹--雞脾好嫰滑, 但其他部位較鞋口--兩個人剩食一隻雞已經夠飽, 無辦法再填塞其他餸菜, 故好佩服咁多枱客可以一人食到一隻雞, 等雞等十五分鐘, 食起碼要一個鐘, 所以往往要排咁耐隊, 因為d人坐太耐, 無咩人走白飯白粥 $10 @--一落order雞未到粥飯率先來, 所以當雞來時粥飯已經攤凍--白飯係缽仔蒸飯, 當然好食過電飯煲的飯--白粥加了蕃薯, 但蕃薯唔甜又無味, 還帶些少酸, 白粥亦無蕃薯的香味未