岡一拉麵 (已結業)

第一個食評,其實應該要講D 好好食既舖,但岩岩食完呢間就點都想講下...鹽燒鯖魚拉麵,先講鮪魚,塊皮好咸...但魚肉好淡...好明顯係用鹽味遮走雪味...拉麵唔錯,幾彈牙咖哩豬扒飯,咖哩普通,豬扒皮薄係好,但肉太鬆散,飯煮得爛左少少,浪費哂d珍珠米...服務尚可,但當我影相之際,侍應話唔可以影,問點解,佢又比唔到個滿意既答案我,淨係話:好多地方都唔比影,sorry ,我有呢部相機開始,就一直周圍咁影,都未曾有人阻止我,ok ,你話唔比影,但可唔可以話比我知點解唔准影先?你d 野食已經唔算好,仲唔比影相??驚人偷師??我偷師都唔會黎呢度偷,冇下次,食物一般,侍應對外界既知識都一般