滋味堡 (已結業)

今日開車黎到長沙灣. 就係黎食呢間係香港少有既緬甸魚湯粉. 入到去鋪仔細細. 但都乾淨. 朋友三人都叫左碗魚湯粉, 仲加個豬扒飽. 首先講個魚湯粉既湯, 魚湯稍為淡左D, 唔夠濃, 亦唔夠香. 材料亦唔多. 同澳門既魚湯粉相比. 真係差好遠.... 粉佢就得有揀金邊粉或者米線. 澳門既魚湯粉就只有金邊粉...至於豬扒包, 就真係一般過一般, 包係軟皮豬仔包, 而豬扒就係有骨豬扒. 但入口就好乾,無肉汁.呢間鋪仔雖然唔係特別出色. 但勝在唔使過大海都有得食. 朋友們異口同聲講句...."好過無啦~" 臨走時老闆仲問我地意見. 佢地應該係新開無耐. 希望下次去佢可以有改進啦.