川之味麻辣米線 (已結業)

一向都食開譚x記雲南米線，上星期五第一次去試食呢間，坐低睇餐牌叫麵食，一味餸就$20，每加一樣就多收$4。我同老公每人叫左碗兩餸米線+香草雞翼($20)，計落應該係每碗收$24x2=$48+$20=$68。食小辣1-4級，係唔駛另收費。我同老公問侍應有冇酸辣，因為我地唔好麻辣，佢話有，可以選酸辣，咁我地就要左酸辣+1級辣。佢落單之後就走左，係我地等既期間，老公唔覺意望下張落單紙，就發現兩碗米線每碗都多收$4，即共$8，叫侍應來問清楚，係咪落錯$。佢就話「我地酸辣一向要加錢，你地係咪第一次來食？其實酸辣都特別大碗，仲多左酸菜同炸醬比你，好食既話多收幾蚊都無所謂啦！」佢既答案，令我簡直火起！立即起勢反駁第一，無論客人第幾次來食，你都有責任向客人講明額外收費，更何況張餐單都無寫低呢項收費，好明顯有取巧！侍應既回應就係；「我地以前有呢項收費註明貼係牆上，不過依家冇左0者！」以前有依家冇，咁即係依家係要靠職員把口講比食客聽先知啦！咁你唔講我地又點會知呀！？第二，好食的話多收幾蚊都無所謂？呢個又係唔合理，你咁講咁係咪即係你擺明係屈食客$0者！？係咪好食的話你多收幾百蚊我都一定要比$？譚x同呢間比較