K2 Kitchen (已結業)

到觀塘工廈開餐，一入到K2，第一個印象好黑，好黑，因裝修以黑色為主。看看餐牌的Set Dinner，就點了焗墨魚汁海鮮飯。先上前菜。燒有機紅菜頭伴羊奶芝士，北海道帆立貝，檸檬泡沫。檸檬泡沫只食到泡，沒嚐到檸檬味；帆立貝size大，食落口較韌，要咀嚼多幾下，健康食物紅菜頭，清甜。甘筍湯，有濃郁的甘筍味，味道香甜，可惜上桌時，湯不熱，支Bread Stick淋左，唔新鮮，感覺差了。焗墨魚汁海鮮飯，賣相幾好，有帶子，蝦，扇貝，青口及魷魚，非常豐富，蝦的肉質爽口，青口不太新鮮，魷魚鮮味，墨汁飯內還有三文魚和蕃茄粒，焗飯較濕。最後是甜品，黑白朱古力慕士，賣相好有藝術感，好靚.....賣相咁好，可惜慕士味道一般，沒有朱古力味，影響曬個甜品。