士林棧 (已結業)

啱啱係台灣番嚟，食過台灣嘅麻油雞念念不忘好想再食，見呢間士林棧係 openrice 正評頗多所以嚟試，結果頗失望。叫咗個麻油雞+米線+珍珠奶茶，先講麻油雞食落去啲雞肉味道唔錯，幾滑，米線正常。不過湯底味道偏淡只有薑味而麻油味同酒味都欠奉，同台灣正宗食到嘅麻油雞相比真係差咗啲。再叫咗杯珍珠奶茶，可惜一試之下味道竟然係港式奶茶溝珍珠。好失望。結果食完我要走去飲番杯 sharetea 嘅珍奶先一解對台灣嘅相思之苦。下次希望再嚟試其他台灣嘢食時食到啲正宗台灣嘢就好。