北海道活壽司 (已結業)

晏晝想係旺角食日本野，行出朗豪坊出口就見到呢間咁多年都未試過既日本壽司，係門口見餐牌價錢都合理，就落咗去試下，嚟到既時間只係晏晝十二點，所以入到去都無乜人，好多位。又想食壽司又想食啲熱野，就叫咗咖喱烏冬雞定食同小小壽司，定食已經包咗湯、沙津、卷物同埋個烏冬。叫左個火灸三文魚一叫完好快就嚟到，都幾好食，魚生都幾厚。食完呢個之後等咗成十幾分鐘其他嘢先一次過上到，係咁少人既情況下真係有啲耐。本身有一個蟹籽沙津無影到，個個有好多沙津醬，都幾好食。卷物就中規中舉，無咩特別。咖喱烏冬既雞太「銀」，食咗一半已經無食了。最後係個三文魚，呢個三文魚湯真係一啲味都無，味道好怪。除咗壽司之外，其他食物都唔太滿意，如果嚟呢度就唔建議叫熟食。