曼谷泰菜 (新都會廣場) (已結業)

去葵芳多數都係去葵涌廣場掃街，今次係第一次喺新都會廣場食lunch。朋友話想食泰國菜，於是就去咗曼谷泰菜食。叫咗個炸春卷。同普通泰國餐廳冇咩分別，餡料都算多，食落都脆口同新鮮，但賣相就一般。之後叫咗個菠蘿炒飯，佢係成個菠蘿咁樣上既。入邊嘅菠蘿肉都算多，但係飯炒得唔夠香口，而且成個飯得兩隻蝦肉。飯嘅份量好多，兩個人好難食得晒。本身想叫馬拉盞炒通菜，但係店員話冇馬拉盞，唯有叫咗個蝦醬炒通菜。我覺得個蝦醬比較鹹，菜都算新鮮。