峰壽司

今日中午我們同好朋友一齊喺尖沙咀附近做完嘢之後去咗新港中心嘅「峰壽司」食午飯！因當時正正係午飯時間，所以有好多人排隊等位，我們都要等咗一段時間先有位！我們叫咗壽司盛A同海鮮丼，雖然啲刺身都算幾新鮮，但就比較薄身，所以口感唔係好豐富，壽司飯都幾煙韌黏口！鰻魚丼嘅鰻魚肉質好軟滑，味道都幾鮮味，但又係略嫌比較薄身，所以口感欠奉！跟餐嘅麵豉湯「就咁睇」見到有炸豆腐皮、蔥花、等等等等⋯⋯以為味道同睇落都好似幾好，但飲落就覺得麵豉嘅味道唔夠濃郁，呢點係令我們覺得有啲失望！沙律就不過不失！至於迷你烏冬可能煮到過晒時間，所以烏冬嘅麵質係極之腍身，一啲都唔煙韌彈牙！

壽司盛A

海鮮丼

鰻魚丼

麵豉湯

沙律

迷你烏冬