金葉 (已結業)

同兩個朋友行過見呢間野新開，就試下咩料入到去比定例湯你，算幾好。每日午餐寫左喺塊豆鼓咁細既黑版度，仲要無價錢，算，叫普通午餐。青咖哩牛腩: 個汁ok, 唔太咸，不過牛好少，牛筋成條上，長過腸粉。印尼炒飯: 得半碟，剩返果半碟放左隔離枱，你懂的。我個海鮮金邊粉等左四個字都未有，催左兩次都無反應，等到半個鐘朋友食晒我就起身叫cut單，個士頭婆先知咩事走入厨房攞碟粉出黎...食落口又出事，淡到咩咁，趕住出菜唔記得落鹽？ 好似食緊麵粉咁,我食原片麥皮都仲有啲麥味吖...奶茶既茶味太濃，有啲燶味，三流。如果打算試新野既話，呢間可以skip, 食野無要求既話，去億利樓下仲多選擇，平十幾廿蚊添。