魚寶食館 (已結業)

今晚我哋三個人唔知食乜好，聽說呢間啲嘢都幾好食打算試吓。坐低望到牆/門上面貼咗張餐牌上面有海南雞飯，三個人都想食雞飯所以叫咗。老闆娘話：「過咗6點收多5蚊。」，OK都坐低咗費事又諗其他option啦（其實我睇咗好耐都睇唔到邊度寫多收5蚊，原來喺門口一個遮住咗嘅角落）！
等咗一輪，終於有得食。啲雞都OK嘅，幾淋，但係我嗰碟骨多咗啲。啲飯有啲乾。:(
食食下，諗返起餐牌話有湯同熱飲送，問下佢哋，佢哋話過咗6點冇得送。睇返個牌寫得唔清唔楚，鬼知咩！:( 講講吓仲比佢大大聲聲噉鬧，食得一啲都唔舒服。
跟住有第二個客人要牛雜，見到佢切嘢時跌咗啲落地跟住佢拾返擺落比客人嗰碗牛雜嗰度！
食完擺低錢走人，唔係好飽但係覺得非常失望。:(