金銘潮州粉麵餐廳

營業中

休息中

呢間粉麵都已經開咗好多年，間唔時都會食佢，不過好少堂食，因為其實佢啲位唔係幾好坐之餘仲有啲污糟，不過今日趕時間就冇辦法。今次叫咗牛腩魚皮餃雙拼河粉加檸檬茶，就咁望落去量都幾多，但係夾起就見到佢有一半嘅牛腩都係薄切切咁樣，而且係瘦嘅，食落去就真係麻麻啦。魚皮餃有三粒，份量算多，但係食落去唔係好夠魚味，同其他舖頭嘅魚皮餃爭少少。檸檬茶茶底OK，係值得加分嘅地方。埋單$51尚算OK，不過如果過黎食嘅話就唔推介食牛腩啦，叫崩沙腩會比較好。