上壽司 (已結業)

其實本來以為係呢度既食店會特別好味而且特別貴,但係今次體驗又唔係喎!呢度的壽司唔算特別貴,味道都有好多唔同款,反而我最鍾意食最平一款--粟米沙律壽司,9蚊有兩件,味道清清地,好fresh,又唔會有太多沙律醬,仲有少少蟹籽添!至於去親食壽司我都會試既三文魚壽司,呢度略嫌薄左些少,同埋唔覺得好新鮮,只係一般貨色!又試左個吉列蝦卷,嘩!好味道呢!尤其個餡,即係個吉列蝦,一點都唔油,但係又脆口,有味道,很好!個壽司外層又有芝麻,頗有特色!反而刺身好似唔太抵咁,35蚊都只係得幾塊...我見到佢有一款叫黑蟹籽壽司,唔知係咩,唔敢試,大家如果有興趣,可以一試!