影片
更多
2015-05-24
460 瀏覽
細細個就聽過糖果屋嘅故事，好想現實世界都有一間，可以滿足小朋友嘅慾望，大人嘅幻想嘅屋子。係試業期間嚟到Smokey Ice,第一種感覺就係糖果屋。可能係哩到將唔係甜嘅食物都變成甜品，又或者，可能係見到一班年青人整甜品時嘅歡樂笑聲，睇到佢地好享受，好似嬉戲緊，但是實又係認真地準備甜品。店舖好細，大約十個位，係等位期間欣賞下個裝修。個大大嘅粉紅色霓虹燈寫住Smokey Ice，簡簡單單，但卻奪目。本來想食牛扒，但最後来份啱啱賣哂，眼白白見住人地食，好羡慕呀！下次一定要早d嚟食。冰極炸豬扒賣相就贏哂。放係日式使當盒，好有誠意。豬扒外皮其實係炸麵包，麵包面灑左砂糖粒，令外皮脆脆地，而麵包唔會太乾，炸到煙煙韌韌。中間夾住雲呢拿雪糕，雪糕都好滑好香。個層次感好強，外皮脆，跟住到煙韌麵包，最後係冰凍滑溜嘅雪糕。不得不提係配上個雜莓醬，佢夠哂酸，淋係豬扒上，可以刺激味蕾，加添滋味，好夾！由於大部份甜品都係即叫即做，而且試業期間，人手有限，所以大約都要等十五分鐘先有得食。好似個豬扒，真係係個炸鍋慢炸而成，而漢堡個包都係要放入焗爐焗到鬆脆。因為開放式廚房關係，所以可以睇住佢地準備食物，睇住d乾冰效果，都唔
店舖好細，大約十個位，係等位期間欣賞下個裝修。個大大嘅粉紅色霓虹燈寫住Smokey Ice，簡簡單單，但卻奪目。本來想食牛扒，但最後来份啱啱賣哂，眼白白見住人地食，好羡慕呀！下次一定要早d嚟食。
冰極炸豬扒賣相就贏哂。放係日式使當盒，好有誠意。
豬扒外皮其實係炸麵包，麵包面灑左砂糖粒，令外皮脆脆地，而麵包唔會太乾，炸到煙煙韌韌。
中間夾住雲呢拿雪糕，雪糕都好滑好香。個層次感好強，外皮脆，跟住到煙韌麵包，最後係冰凍滑溜嘅雪糕。
不得不提係配上個雜莓醬，佢夠哂酸，淋係豬扒上，可以刺激味蕾，加添滋味，好夾！由於大部份甜品都係即叫即做，而且試業期間，人手有限，所以大約都要等十五分鐘先有得食。好似個豬扒，真係係個炸鍋慢炸而成，而漢堡個包都係要放入焗爐焗到鬆脆。因為開放式廚房關係，所以可以睇住佢地準備食物，睇住d乾冰效果，都唔會悶親。
雪糕漢堡賣相又係無得彈，以木板上，玩味十足。雪糕可自選，擇左朱古力同士多啤梨味，雖然俾錯左雲呢拿，但錯有錯著，雲呢拿最夾漢堡包。
當咬完一啖，終於明白點解個漢堡包要焗咁。個包又香又酥脆，如果太高温焗就會焗燶外皮，所以要係適合嘅温度下先做到唔燶但又脆，而需要嘅就係時間。焗好嘅漢堡會立刻加入雪糕，為求逼真，仲會係雪糕面加上吉士醬營做芝士嘅效果。睇個漢堡好的骰，但要一口咬都要好似食巨無霸咁張大嘴巴。漢堡夠熱夠香脆，雪糕夠滑夠凍，又係層次感嘅效果。不過漢堡要襯熱食，因為食完第一個，第二個雪糕已經溶得幾多。兩個人share嚟食會好d。另外，亦有配上酥脆餅干條扮薯條，幾有誠意呢！睇住一班年青人即使再忙，都係開開心心咁整甜品，令人食得份多舒暢！
張貼
