影片
更多
2021-10-25
28 瀏覽
相信大家對於雞煲火鍋好熟悉，經常都會去食，亦都係香港人最鍾意嘅晚飯菜式之一，而我亦都唔例外，今日經過尖沙咀，見到人和月雞煲火鍋店新開張，於是就入去試一試。首先係頭盤，佢除咗大家成日食嘅雞煲之外，亦都加咗芝士雞，同埋酸菜魚落去，可以三選一。因為我哋成日都食麻辣雞煲，所以今次就揀咗酸菜魚，試一試。佢哋係正宗嘅老壇酸菜魚，酸菜魚做得好出色好好食，可以揀唔同嘅辣度，我唔係食得咁辣嘅，都可以好滿足。跟住我哋就嗌左一個牛肉拼盤，有牛下肩，雪花肥牛，牛展，封門柳等等，一般火鍋放題都只係會求其比碟肥牛你就算數，但係呢間餐廳好認真，採用左唔同地方嘅牛肉，仲要擺到好靚咁樣上枱，店員仲會同你解釋每一個部份要點樣食，有啲乜嘢特點等等，真係好用心。除咗牛肉之外，我哋亦都好鍾意佢嘅墨魚滑同埋蝦滑，全部都係新鮮手打，好彈牙，你仲會食得出有粒粒嘅墨魚同埋粒粒嘅蝦肉，唔會似出邊嘅餐廳咁樣，加咗大量嘅肥豬肉落去。可以睇得出餐廳真係好有心機好有誠意，食物質量係非常之好。仲有幾十款嘅火鍋配菜，丸類，菜類等等，同埋有好多款嘅飲品可以任你揀，包你食到飽。最重要嘅係佢價錢唔算貴，喺尖沙咀呢個地區可以食到火鍋雞煲放題，呢個價錢係好超
首先係頭盤，佢除咗大家成日食嘅雞煲之外，亦都加咗芝士雞，同埋酸菜魚落去，可以三選一。因為我哋成日都食麻辣雞煲，所以今次就揀咗酸菜魚，試一試。佢哋係正宗嘅老壇酸菜魚，酸菜魚做得好出色好好食，可以揀唔同嘅辣度，我唔係食得咁辣嘅，都可以好滿足。
跟住我哋就嗌左一個牛肉拼盤，有牛下肩，雪花肥牛，牛展，封門柳等等，一般火鍋放題都只係會求其比碟肥牛你就算數，但係呢間餐廳好認真，採用左唔同地方嘅牛肉，仲要擺到好靚咁樣上枱，店員仲會同你解釋每一個部份要點樣食，有啲乜嘢特點等等，真係好用心。
除咗牛肉之外，我哋亦都好鍾意佢嘅墨魚滑同埋蝦滑，全部都係新鮮手打，好彈牙，你仲會食得出有粒粒嘅墨魚同埋粒粒嘅蝦肉，唔會似出邊嘅餐廳咁樣，加咗大量嘅肥豬肉落去。可以睇得出餐廳真係好有心機好有誠意，食物質量係非常之好。
仲有幾十款嘅火鍋配菜，丸類，菜類等等，同埋有好多款嘅飲品可以任你揀，包你食到飽。最重要嘅係佢價錢唔算貴，喺尖沙咀呢個地區可以食到火鍋雞煲放題，呢個價錢係好超值。再加上佢嘅環境好舒適，座位之間都有距離，唔會好迫，仲可以放低自己嘅隨身物品，感覺上係比一般嘅火鍋放題餐廳舒服好多。佢哋嘅環境光線好充足，而且好乾淨，係一種新式火鍋放題餐廳嘅感覺，唔會有舊式餐廳嗰種侷促感。
整體來講，無論食物嘅質素同埋環境等等嘅因素，都係攞足滿分！
張貼
