影片
更多
2021-12-20
23 瀏覽
聖誕節好多朋友嘅聚會，最怕自己食得太多味精唔夠健康，好彩呢一間小店堅持用新鮮材料牛仔出嘅湯頭，一餐飯有菜有靚湯有麵食，令人肚子裏裝滿溫暖👍🏻 鐵三角蠔蝦蟹海鮮湯麵用上魚骨湯底去熬製，第一啖飲落已經充斥住海鮮嘅鮮甜，裏面份量亦都好比貨：大隻海蝦、元貝、蠔、松葉蟹肉。海蝦爽口鮮甜，亦有預先炸過；元貝無煮到縮晒水；但湯頭越食會越鹹身。👍🏻補一補海鮮湯麵呢碗海鮮湯同頭先嗰碗已經大有分別。同樣用上鮮魚骨湯底，但湯頭較淡但鮮香味十足，加入芫茜同蔥花亦帶來清新既味蕾感。配料包括：花膠、魚肚、新鮮元貝和竹笙，竹笙索哂湯汁好鮮甜，魚肚亦夠爽，無腥臭味。👍🏻牛油果蝦多士跟餐加配來講價錢都唔算貴， 特別係小編係牛油果嘅忠實，見到呢一個配搭二話不說都要試一次。麵包炸得鬆脆可口，蝦仁蛋牙，加上牛油果綿綿既果香，真係幾夾。如果有埋沙律醬就Perfect。👍🏻香辣雞髀菇一上枱見到辣椒粒，蒜粒滿滿，炸得乾身，食落口雞髀菇仲好Juicy👍🏻迷你金銀蛋時蔬居然可以叫到一碟金銀蛋時蔬嚟食吓，雖然係迷你版本，食得意猶未盡，不過亦都能夠滿足小編一定要食菜嘅小慾望，但胡椒粉味有少少重。👍🏻黃金炸生蠔炸得鬆脆可口，蠔肉飽滿，加上鹹
聖誕節好多朋友嘅聚會，最怕自己食得太多味精唔夠健康，好彩呢一間小店堅持用新鮮材料牛仔出嘅湯頭，一餐飯有菜有靚湯有麵食，令人肚子裏裝滿溫暖
👍🏻 鐵三角蠔蝦蟹海鮮湯麵
用上魚骨湯底去熬製，第一啖飲落已經充斥住海鮮嘅鮮甜，裏面份量亦都好比貨：大隻海蝦、元貝、蠔、松葉蟹肉。海蝦爽口鮮甜，亦有預先炸過；元貝無煮到縮晒水；但湯頭越食會越鹹身。
👍🏻補一補海鮮湯麵
呢碗海鮮湯同頭先嗰碗已經大有分別。同樣用上鮮魚骨湯底，但湯頭較淡但鮮香味十足，加入芫茜同蔥花亦帶來清新既味蕾感。
配料包括：花膠、魚肚、新鮮元貝和竹笙，竹笙索哂湯汁好鮮甜，魚肚亦夠爽，無腥臭味。
👍🏻牛油果蝦多士
跟餐加配來講價錢都唔算貴， 特別係小編係牛油果嘅忠實，見到呢一個配搭二話不說都要試一次。麵包炸得鬆脆可口，蝦仁蛋牙，加上牛油果綿綿既果香，真係幾夾。如果有埋沙律醬就Perfect。
👍🏻香辣雞髀菇
一上枱見到辣椒粒，蒜粒滿滿，炸得乾身，食落口雞髀菇仲好Juicy
👍🏻迷你金銀蛋時蔬
居然可以叫到一碟金銀蛋時蔬嚟食吓，雖然係迷你版本，食得意猶未盡，不過亦都能夠滿足小編一定要食菜嘅小慾望，但胡椒粉味有少少重。
👍🏻黃金炸生蠔
炸得鬆脆可口，蠔肉飽滿，加上鹹蛋黃碎，更加滋味，香口，不過略嫌有小小油膩左。
👌黑豬小姐
天氣凍就想飲一杯熱朱古力，呢杯飲品奶味較重，朱古力較稀身。
👍🏻搖呀搖烘焙
小店主打手工烘焙咖啡，呢杯用左本地烘焙既尼加拉瓜咖啡豆，係咖啡之上打左層奶泡，好滑好輕身，再灑上焦糖同岩鹽，鹹甜夾雜，口感都幾豐富。順着飲落去，奶泡亦都會慢慢沉澱，易會越嚟越順口。
💡 麵有得揀拉麵、扁拉麵、湯飯或加$8食日本稻庭烏冬，而麵亦有淋、適中、硬，三款口感可以選擇。
💡餐廳堅持使用本地烘焙，採用嘅咖啡豆背後亦都有一個好有意義嘅故事。
張貼
