春水堂 (希慎廣場) (已結業)

難得防疫措施放寬，堂食去到10pm,收工緊係約朋友出街食下野，因為收工唔想諗就是但行入希慎又見好耐冇食台灣野，而我又冇係香港食過春水堂再加上冇乜人排，種種因素之下就入左去。我打開個menu 好似好多野都好吸引，幾翻掙扎之下終叫左個鹽酥雞翼便當，我朋友要左個照燒雞排便當同珍珠奶茶，因為係即叫即做，所以等候時間耐啲，如果趕時間或者好肚餓就要考慮下😵珍珠奶茶茶味都幾夠，我朋友中意唔太甜，但我就覺得唔夠甜，啲珍珠偏細粒，但只係因為本人最喜歡甜食，所以先覺得唔夠甜。我自己叫左個鹽酥雞翼魯肉便當，雞翼新鮮炸起，嚟到嗰時熱辣辣，不過啲炸粉有啲厚，雞肉都尚算嫩滑👍🏼 另外個魯肉飯，略嫌魯肉有啲少，正常發揮。除此之外仲有啲伴碟，都係正正常常，本身跟餐有個湯，個湯係完全冇味好似水咁，我唔知係咪台灣餐都係咁，入邊有粒肉丸，我淨係食咗粒肉丸同埋飲咗一啖湯就放棄咗😵😵我朋友叫咗個照燒雞扒便當，可能因為唔使炸所以冇等得咁耐，我食咗佢一塊雞肉，都係正常燒汁雞扒咁嘅味，雞肉一樣嫩滑。總括而言成餐飯，試過就OK,未必會再去，因為都有啲貴，三樣嘢最後二百幾蚊走人。