101台式休閒餐廳 (慈雲山中心)

因為返工響呢頭附近，所以間中台灣菜癮發作，都會嚟呢度食。

大約一年前食過幾次，我覺得唔錯，牛肉麵好濃郁，加上份量又略為大碗，對打工仔嚟講價錢稍貴，但都值得。

後來舖頭好似轉形，還是改左風格，開始又有火鍋，又將牛肉麵轉左味，失水準左好多好多，由以前想食好西個日必要，慢慢收成無咩選個時先去一兩次。

聽同事講，呢間又改左少少，下午賣嘅變左咖啡牛腩飯等茶記嘅野。於是又上去試一次。

我都係堅持食番台灣牛肉麵，但係⋯⋯⋯真係不及當年。雖然都係得落⋯但無咁好味。

結果我扭轉唔到我對佢嘅期望。