4
☘️熊妹疫情前北上已經食過鼎鼎大名嘅杭州菜《綠茶餐廳》，主要價錢平，份量多，味道大眾化，絕對係性價比高的中菜餐廳，仲要以靚裝為賣點，餐廳經常打造出杭州西湖的怖景🏞️，就算唔食得都望得。
18
📌近期，《綠茶餐廳》擴充業務，打進了香港巿場，係港、九、新界各大商場都插了支旗🚩開了分店。想當年，熊妹同阿豬媽經上海過杭州一睹西湖的自然美貌，風景畫依然歷歷在目，難得《綠茶餐廳》進駐了朗豪坊，當然要帶阿豬媽去見識下👀。
📌係得大商場開分店，裝潢成本都花費不少💰。佔據了朗豪坊四樓一大個角落，一上電梯就係。加入了很多竹林🎋、樹葉🍃元素做裝潢主題，靚裝的餐廳确實令一頓飯加添了不少舒適感。
1
翠舟蝦劃，$88
創意除了在裝修設計，當然都會滲入於菜式當中。將秋葵與蝦滑結合，寓意一帆風順，「好事發生」。彈牙的蝦滑🦐與滑潺潺的秋葵，兩者味道與口感和而不同，沒有衝突，主要想吃個意頭吧！
麵餅醬香五花肉，$108
阿豬媽話一定要試這款菜式。卷餅入面包裹著青瓜條、豆腐皮同五花肉，清新的青瓜條🥒中和了炸五花肉的肥膩🐷但又帶出肥美的油脂香味，加埋脆口的豆腐皮，各種元素都缺一不可，形成多重口感的卷餅，确實在創意菜式時有花點功夫💪🏻。
鮑汁燒年糕，$78
非常細心的做法，用上蠟燭🕯️暖著瓷碟，令放涼了容易變糊的年糕都保持著一條條完好的形態，入口煙韌，而配菜有五花肉碎、雞蛋碎、雪菜同蒜苗，連醬油一拼炒起，係家庭式的小菜味道。
西湖藕韻，$58
煮淋了的老藕表面沾點糯米再去蒸，令蓮藕口感更軟糯，阿豬媽教落，係典型烹調老藕造法。特別在老藕前後再加上了一片薄冷藕片，又增加脆卜卜的口感，絕對食得出米芝蓮大廚👨🏻🍳的製造心思💕。
醬汁方面都值得一讚，用上紅糖同桂花蜜煮成的糖漿濃稠得來又唔膩，酸甜味道沾滿老藕，令成個菜式都變成一道開胃甜點。
西湖雷峰塔，$28
甜品方面，睇個名都感受到個氣勢。杭州西湖最著名的雷峰塔就正正放在眼前，非常細膩的模具把雷峰塔的神韻盡現出來💫。
其實是用上牛奶冰淇淋製作的牛奶布甸🍮，奶味濃郁，浸在青豆泥的糖漿加點草青味道🌿，而隔離的荷花🪷係士多啤梨醬加牛奶做成，成個甜品的成份都調配得好恰當，沒有過甜難入口。
九曲紅梅，$12/位
📌聽講，綠茶集團全球首創「龍井問茶」主題店已經登陸係黃竹坑港島南岸，配合米芝蓮星級名廚俞斌精心設計夏季限定菜單，環境咁優美，菜式又咁精緻悅目，下次可以叫埋全家總動員過來家庭聚餐！
