白樂天 (已結業)

今日自己一個放工去左沙田買野，記起一田Food Court有間價錢唔貴，但個餐有湯、有飯、有餸的餐廳，諗住行去試下。湯要左碗「牛蒡湯」，都幾好味，仲夠熱。個湯用左好多紅蘿蔔去煮，所以個味都幾清甜。飯我揀左碗「泡菜豬肉飯」，豬肉同泡菜汁都幾濃，所以都幾夠味，不過肉的份量就少左DD。至於餸，我就揀左碟「東坡肉」，佢有彩椒一齊炒，不過肉的份量都係比較少，同埋唔算太香。50幾蚊，想要一湯、一飯、一餸，都算係咁。不過份量唔算太大，男士未必會夠飽。不過呢個價錢仲要有埋湯，都算少有了。