大鍋口海鮮火鍋店

營業中

休息中

同舊同事聚會，去左佐敦間大鍋口食，之前都食過，覺得都唔錯，所以佢地揀呢間時，當然舉手支持。大煱口的飲品係自助的，都有唔少選擇，不過無糖飲品就只得茶可以選擇。我地都點左唔少食物，叫左美國肥牛、響鈴、水魷魚、海蝦、脆肉鯇、白鱔、墨魚滑、韮菜餃、黑松露餃等。湯底揀左蕃茄湯底，酸酸地，會開胃啲。我個人覺得有幾樣食物係幾正，可以加追的，有啲就比較普通，都係一般大路的食物，而我會再追加的食物有海蝦、白鱔、墨魚滑同黑松露餃。雪糕係自助軟雪糕機，味道都不錯，可以自選配搭的材料，我覺得佢配脆片係最好食。