發記甜品 (已結業)

成班同事成日都嗌食糖水，今晚食完飯一行人一於去發記食個甜品。呢間位置方便，就係旺角雅蘭中心對面。今次我哋叫左木瓜燉雪耳、榴槤pancake、榴槤綿花冰、榴槤飄香芋圓同楊枝金露小丸子。木瓜燉雪耳不會很甜，夠清潤。楊枝金露小丸子甜甜地，又有少少西柚既苦，小丸子夠彈牙，不會好淋，口感豐富。成班榴槤怪喺咁嗌榴槤，搞到成張枱都係榴槤味。不過個榴槤飄香係咁多款入面榴槤味最濃，再加埋芋圓一齊食，感覺好特別。下次食糖水都會揀返雅蘭中心對面呢間發記食！