釣魚翁 燒鵝．海鮮飯店 (已結業)

一班大小朋友聚會，又要放置bb車，最適合就係去酒樓吃晚飯，座位夠闊，地方大，而且地點又方便，搭lift 直上5/F就到達！見到海報宣傳做超級優惠晚市套餐，白飯任裝的確好吸引，但我地同行只得二位男士們，所以都係自己散叫比較適合。這裡燒味不錯，叉燒肥瘦適中。勝瓜蠔仔豆腐湯材料幾足，豆腐好滑，有點略咸。屋企人好鐘意食魚，所以每當去酒樓一定叫龍躉兩味，肉質厚實，啖啖肉！翡翠炒球大大塊，有厚度，炒得好香口。食錦多肉一定要叫碟菜，就一於叫金銀蛋泡莧菜 ，清清地又夠營養！魚香茄子煲絕對撈飯一流！